Áreas prioritarias da campaña EU-OSHA: Traballo seguro e saudable na era dixital (2023-2025)

Tal e como recolle a guía da campaña EU-OSHA, España foi o primeiro país en regular as condicións para garantir os dereitos laborais das persoas dedicadas ao reparto no ámbito de plataformas dixitais.

Debido á variedade de tecnoloxías e aplicacións, centrarse nas tarefas máis que nos postos de traballo é unha estratexia eficaz para xestionar axeitadamente a seguridade e saúde das persoas traballadoras.

A incorporación de tecnoloxías como os sistemas baseados na intelixencia artificial utilízanse cada vez máis en lugares de traballo para xestionar ás persoas traballadoras e organizar o seu traballo.

O traballo a distancia e híbrido favorece a flexibilidade e o equilibrio entre a vida privada e a vida laboral, o que supón un impacto positivo na motivación, no compromiso e na produtividade.

En moitos sectores económicos e lugares de traballo aplícanse habitualmente sistemas dixitais intelixentes para supervisar e reforzar a seguridade e a saúde das persoas traballadoras.