Prestación extraordinaria para traballadores autónomos afectados pola crise ocasionada polo COVID-19

• Estar afiliados e en alta, na data da declaración do estado de alarma, no Réxime Especial da Seguridade Social dos Traballadores por Conta Propia ou Autónoma ou, se é o caso, no Réxime Especial da Seguridade Social dos Traballadores do Mar. Non é preciso ter a cobertura de cesamento de actividade.
• No suposto de que a súa actividade non se vexa directamente suspendida en virtude do previsto no Real decreto 463/2020, do 14 de marzo, acreditar a redución da súa facturación en, polo menos, un 75 por cento, en relación coa efectuada no semestre anterior.
• Acharse ao corrente no pagamento das cotas á Seguridade Social. Non obstante, se na data da suspensión da actividade ou da redución da facturación non se cumprise este requisito, o órgano xestor convidará ao pagamento ao traballador autónomo para que no prazo improrrogable de trinta días naturais ingrese as cotas debidas. A regularización do descuberto producirá plenos efectos para a adquisición do dereito á protección.

• A contía será o 70% da base reguladora mensual; esta calcúlase coa media das bases polas que a persoa cotizase durante os 12 meses anteriores á situación legal de cesamento de actividade.
• Excepcionalmente, se non acredita o período mínimo de cotización, poderá cobrar esta prestación, non existindo carencia mínima.
• Tanto a contía mínima como as máximas se determinarán en función ao previsto no artigo 339 da Lei da Seguridade Social, regulada a través do Real decreto-lei 8/2015, do 30 de outubro.
• A prestación Extraordinaria terá unha duración dun mes, ampliandose se é o caso, ata o último día do mes en que finalice o estado de alarma, no suposto de que este prorróguese e teña unha duración superior ao mes.
• O tempo da súa percepción entenderase como cotizado e non reducirá os períodos de prestación por cesamento de actividade aos que o beneficiario poida ter dereito no futuro.
• A percepción desta prestación extraordinaria é incompatible con calquera outra prestación da Seguridade Social.

Se se produciron algunha das seguintes circunstancias:

• Erro no motivo da solicitude xa que a actividade que desenvolvemento non pode encadrarse dentro das que quedaron suspendidas pola declaración do estado de alarma (RD 463/2020, do 14 de marzo). 
• No mes previo á solicitude non acredito a redución de facturación superior ao 75 %con respecto ao semestre anterior. 

Debes remitir o formulario de "Solicitude de revisión da prestación extrordinaria por cesamento de actividade" ao caixa de correo administrativa do teu centro máis próximo.

Neste caso a sinatura do teu asesor laboral non será valida tendo en conta que é unha renuncia persoal dunha prestación económica.