Risco de exposición á calor
O noso organismo dispón dun sistema termorregulador que permite manter a temperatura corporal constante, utilizando mecanismos como a vasodilatación e a transpiración/sudoración para eliminar a calor que o noso corpo xera constantemente. A esta calor cómpre sumar a producida pola actividade física requirida no noso posto de traballo.
A exposición a temperaturas elevadas pode provocar que a resposta fisiolóxica de termorregulación sexa insuficiente, ocasionando estrés térmico por calor, que se non é corrixido, pode producir un “golpe de calor”, trastorno grave que require de asistencia médica urxente.
Como previr a exposición?
Os episodios de altas temperaturas son cada vez máis frecuentes, máis intensos e de maior duración. Outra característica é que, con maior frecuencia, suceden en épocas fóra do período estival, como está a acontecer coas vagas de calor na primavera. Os traballos ao aire libre están especialmente afectados pola exposición á calor.
Coñece as nosas recomendacións
Alertas de temperaturas extremas: onde se poden encontrar?
En función das alertas de previsión de temperaturas elevadas previstas para a túa zona, debes organizar o teu traballo para evitar as horas de maior risco, especialmente o realizado ao aire libre.
Accede aquí
Como avaliar o risco?
A valoración do risco por exposición a calor depende de diversos factores como son os climáticos, a actividade desenvolvida, a vestimenta, caracterísitcas persoais, etc.
Recursos e ferramentas
Exposición a Radiacións UV
A enquisa europea sobre a exposición das persoas traballadoras a factores de risco de cancro (WES) mostra que a radiación solar UV é o factor máis frecuente en Europa.
Coñece máis