Teño obriga de comunicar calquera cambio na miña situación persoal e laboral?

Si. A persoa beneficiaria está obrigada a comunicar calquera circunstancia que poida afectar ao recoñecemento, mantemento, contía, suspensión ou extinción da prestación.

Entre outras, deberán comunicarse as seguintes situacións:

• O inicio dunha situación de incapacidade temporal (IT).
• Os períodos de nacemento e coidado de menor.
• As situacións de risco durante o embarazo ou risco durante a lactación natural.
• Calquera modificación da porcentaxe de redución de xornada.
• Os cambios na situación familiar ou de convivencia, incluídos os supostos de separación, divorcio, nulidade matrimonial ou extinción da parella de feito.
• O matrimonio ou a constitución de parella de feito da persoa causante.
• O recoñecemento, modificación ou perda dos graos de discapacidade ou dependencia que poidan afectar ao dereito á prestación.
• O inicio ou cesamento da actividade laboral de calquera das persoas proxenitoras, gardadoras, acolledoras ou das persoas que teñan recoñecida a condición de beneficiarias.
• Calquera outra circunstancia que poida dar lugar á suspensión ou extinción da prestación.