Regula o sistema específico de protección para as persoas traballadoras autónomas, agrarias ou do mar que cesasen temporal ou definitivamente a súa actividade económica ou profesional.
Que condicións básicas tes que cumprir para acceder á prestación?
- Cotizar como mínimo os 12 meses inmediatamente anteriores ao cesamento da actividade.
- Cesar totalmente na túa actividade.
- Non cumprir a idade legal de xubilación.
- Estar ao corrente de pagamento de cotas á Seguridade Social.
- Estar de alta no Servizo Público de Emprego.
En que consiste a prestación?
- Prestación económica mensual igual ao 70 %do termo medio das 12 últimas cotizacións.
- Formación e orientación laboral.
Cando poderás solicitar cobrar a prestación?
- Perdas nun ano completo superiores ao 10% dos ingresos.
- Execucións xudiciais ou administrativas para cobrar débedas, que sexan superiores ao 30 %dos ingresos do exercicio anterior.
- Declaración xudicial de concurso que impida continuar actividade.
- Forza maior.
- Perda de licenza administrativa.
- Violencia de xénero.
- Divorcio ou acordo de separación matrimonial nos supostos de axuda familiar no negocio.
Se es TRADE (persoa traballadora autónoma economicamente dependente), cando poderás cobrar a prestación?
- Terminación do contrato.
- Incumprimento grave por parte do/a cliente/a.
- Rescisión xustificada ou inxustificada por parte do/a cliente/a.
- Por morte, incapacidade ou xubilación do/a cliente/a.
Durante canto tempo cobrarei a prestación?
- Depende do tempo cotizado.
- Para poder ter dereito a esta prestación as persoas traballadora autónoma deberá de haber cotizado un mínimo de entre 12 e 17 meses continuados e inmediatamente anteriores ao cesamento da actividade.