Presentación corporativa
Máis alá da saúde

Mutua Universal, MUGENAT, Mutua Colaboradora coa Seguridade Social, número 10, é unha asociación voluntaria de empresas que, sen ánimo de lucro, se constitúe legalmente como colaboradora da Seguridade Social coa responsabilidade mancomunada das empresas asociadas. Prestamos os servizos atribuídos ás mutuas mediante a aplicación dun modelo propio de xestión orientada ás máis elevadas prestacións e desenvolvido sobre os principios de Universalidade, Excelencia, Innovación e Proximidade. 

Mantemos vixentes os principios que nos caracterizaron ao longo dos preto de 115 anos de historia, adaptando o noso modelo de xestión á realidade e necesidades das empresas actuais con obxecto de participar, mediante unha calidade asistencial excelente, na mellora da produtividade e o mantemento de equipos de alto rendemento.