Laboratorio de ergonomía
Mutua Universal é pioneira na aplicación da ergonomía para mellorar as condicións laborais: desde 1984 realiza estudos especializados para empresas do sector industrial e de servizos.
En 2002 inaugurou o Laboratorio de Ergonomía co obxectivo de consolidar unha unidade de investigación permanente, orientada en exclusiva á achega de solucións útiles aos problemas de orixe ergonómica que afectan ao medio laboral.
As principais liñas de actividade do Laboratorio de Ergonomía son:
• Investigación aplicada á resolución de problemáticas ergonómicas: deseño e modificación de postos de traballo que se adapten á persoa para eliminar riscos e aumentar a produtividade.
• Elaboración de boas prácticas: dirixidas a solucionar problemas existentes nos postos de traballo e a súa divulgación posterior entre toda a comunidade empresarial.
• Difusión do coñecemento e cultura preventiva: formación, campañas de prevención músculo-esquelética e elaboración de publicacións específicas.
Un equipo multidisciplinar con medios avanzados O Laboratorio está composto por un equipo multidisciplinar de profesionais en que colaboran enxeñeiros, fisioterapeutas e outros especialistas en saúde laboral. As súas instalacións encóntranse no centro de Mutua Universal no polígono
Arazuri-Orcoyen en Navarra e constan de:
• Área técnica: procesado e análise de datos, e deseño de solucións mediante un software especializado na simulación virtual de medios de traballo.
• Taller de simulacións: deseño e redeseño de postos de traballo antes da súa implantación.
• Área de formación: auditorio con capacidade para 120 persoas, para a celebración de xornadas, cursos e seminarios técnicos.
• Laboratorio de ensaios e instrumentación, equipado co instrumental máis moderno e completo para o rexistro da actividade muscular, os ángulos corporais, medición de forzas, ángulos de inclinación, parámetros de confort ambiental, acústica, análise do movemento e outras técnicas auxiliares.