Tecnoloxías sanitarias
A incorporación progresiva de novas tecnoloxías sanitarias constitúe un eixe estratéxico para Mutua Universal, orientado a reforzar unha atención asistencial segura, eficiente e baseada na evidencia.
A integración de ferramentas avanzadas de diagnóstico, valoración funcional e tratamento permite mellorar a calidade asistencial, optimizar os procesos clínicos e favorecer unha experiencia homoxénea e de alto valor para as persoas atendidas.
Técnicas terapéuticas innovadoras
Técnicas de valoración
A través deste sistema de análise biomecánica baseado en sensores, o colectivo de profesionais médicos de Mutua Universal pode levar a cabo avaliacións obxectivas e cuantificables da función músculo-esquelética en pacientes antes, durante e despois dun tratamento asistencial.
Esta ferramenta reforza a valoración e o seguimento evolutivo das patoloxías e permite unha planificación e seguimento terapéutico acorde ás necesidades de cada persoa.
Esta técnica de imaxe rexistra os patróns térmicos da pel, e permite detectar asimetrías e variacións de temperatura asociada a procesos inflamatorios, circulatorios ou neuropáticos.
Ferramenta que ofrece a visualización en tempo real de músculos, tendóns, ligamentos, articulacións e tecidos brandos, e facilita a identificación de lesións derivadas da actividade laboral como tendinopatías, roturas fibrilares, bursitis ou síndromes de atrapamento.