Prevención de virus invernal nos traballadores
Hai unha serie de medidas preventivas que incorporadas á nosa rutina diaria no posto de traballo axudan a frear a propagación dos xermes que causan enfermidades respiratorias, como a gripe.
Como empregados e axentes propagadores do virus podemos adoptar medidas ou hábitos sinxelos que nos permitirán minimizar o contaxio aos compañeiros:
- A vacinación é a medida máis eficaz para non enfermar. Consulta co teu médico. Cada ano a nivel mundial própónse e deseña a mellor vacina e faise un seguimento da súa efectividade. Non fagas caso dos falsos mitos.
- Cubrirse a boca e o nariz cun pano desbotable ao tusir ou espirrar. Isto evitará a propagación dos xermes a través das gotitas expulsadas. Depositar inmediatamente os panos usados na papeleira.
- En ausencia de panos utilizar o interior do cóbado ao tusir e espirrar e evitar así a diseminación de xermes. Nunca usar a man xa que contaminariamos todo o que logo toquemos.
- Lavarse as mans frecuentemente con auga e xabón, especialmente tras soarse ou utilizar os panos desbotables.
- Evitar tocarse os ollos, o nariz e a boca. Esta é a maneira como se propagan os xermes, a través das mucosas.
- E por último, a medida máis eficaz para non diseminar xermes e sandar máis rápido é permanecer na casa.