E de depéndeti…
Entre o 30% e o 50% dos casos de cancro pódense previr modificando a exposición aos factores de risco. A Organización Mundial da Saúde recomenda unha vida libre de tabaco, unha dieta saudable, manter un peso axeitado, protexernos axeitadamente da radiación (radon, raios UV solares…) e realizar exercicio con regularidade, entre outros hábitos saudables.
A Comisión Europea canda a IARC desenvolveu o Código Europeo contra o Cancro, unha iniciativa que ofrece á poboación recomendacións claras para reducir o risco de desenvolver cancro. En 2025 publicouse a quinta edición do Código Europeo contra o Cancro (ECAC5) consta de 14 recomendacións baseadas en probas científicas actuais sobre factores de comportamento persoal, factores ambientais e intervencións médicas específicos para a ciutadania da UE. Como novidade, esta edición diríxese tamén aos responsables políticos e inclúe recomendacións complementarias que reforzan as dirixidas ás persoas de forma individual.
