A saúde do medio familiar

Desenvolvido polo noso equipo de traballadoras sociais, permítenos colaborar na reinserción laboral de traballadores de empresas asociadas e autónomas que, tras sufrir un accidente de traballo ou padecer unha enfermidade profesional, quedaron afectados por un grao de incapacidade que fai imposible que volvan desempeñar a súa actividade e/ou perderon o seu emprego durante o proceso de recuperación e que se encontran en situación de risco de exclusión social.

O programa ofrece:

• Asesoramento sobre orientación laboral
• Información e asesoramento na busca de ofertas laborais segundo o perfil do candidato
• Información, valoración e tramitación de axudas sociais para favorecer o acceso a cursos de formación
• Realización de “itinerarios formativos” individualizados en colaboración con entidades especializadas
• Apoio psicolóxico

Tamén ofrece asesoramento ás empresas asociadas en aspectos relacionados coa adaptación do posto de traballo e o cumprimento do marco legal relativo á contratación de persoas discapacitadas ou á adopción de medidas alternativas.

Apoio psicolóxico ás familias

As traballadoras sociais tamén xestionan a axuda psicolóxica, ofrecida por profesionais seleccionados e dirixidos principalmente a mitigar as secuelas do falecemento ou accidente grave dun traballador nas familias afectadas. 

Dispomos dunha Comisión de Prestacións Especiais que atende as peticións de axuda das familias afectadas por un accidente de traballo ou enfermidade profesional. Tras analizar cada caso de forma individualizada, ofrece as solucións que mellor se adapten a cada necesidade.

As axudas xestionadas por esta comisión cobren aspectos como:

• Adaptación da vivenda ou do vehículo
• Adquisición de material especial (ortoprotético e axudas técnicas)
• Atención especializada temporal (domiciliaria ou vixilancia hospitalaria)
• Axudas económicas puntuais no caso de falecemento, incapacidade permanente ou ingresos insuficientes durante a incapacidade temporal
• Bolsa de estudos para fillos de traballadores falecidos ou en situación de incapacidade
• Atención psicolóxica especializada
• Gastos de coidador ou acompañante
• Gastos de enterro

As axudas sociais que concede a Comisión de Prestacións Especiais fanse efectivas con cargo ao Fondo de Asistencia Social de Mutua Universal asignado para cada exercicio.

A lexislación actual encomenda ás mutuas a xestión dos seguintes subsidios de carácter social:

• Subsidio de risco durante o embarazo
• Subsidio de risco durante a lactación
• Subsidio para o coidado de menores afectados por cancro ou outra enfermidade grave