Exoesqueletos. Mitos, lendas e certezas

Os exoesqueletos industriais son dispositivos deseñados para asistir as persoas nas tarefas que desempeñan habitualmente nos seus postos de traballo. O seu obxectivo é protexer e facilitar asistencia para previr esforzos excesivos e minimizar a fatiga.

Existen algúns mitos que os presentan como solucións máxicas e que dotan aos exoesqueletos de certos poderes como que ”lvos problemas músculo-esqueléticos reduciranse un 80%”, que ”os traballadores cargarán sacos de 50 kg sen fatigarse” ou que ”aumentará a produción con menos persoal”. Porén, co desenvolvemento actual desta tecnoloxía non se alcanzan estes extremos, pero si é certo que están deseñados co fin de axudar o usuario no seu posto de traballo e que verdadeiramente axudan no desenvolvemento dalgunhas tarefas, aínda que cómpre ter en conta o impacto pola súa implantación e a posible xeración de efectos secundarios adversos.

É importante polo tanto coñecer que son o exoesqueletos e para que serven exactamente, así como realizar unha análise profunda da súa conveniencia e contar coas indicacións acertadas de como introduciros nunha empresa.