Real decreto Lei 10/2020
Do 29 de marzo, polo que se regula un permiso retribuído recuperable para as persoas traballadoras por conta allea que non presten servizos esenciais, co fin de reducir a mobilidade da poboación no contexto da loita contra o COVID-19

Todas as persoas traballadoras por conta allea que presten servizos en empresas ou entidades do sector público ou privado e cuxa actividade non fose paralizada como consecuencia da declaración de estado de alarma 

Excepcións: 

1. As persoas traballadoras que presten servizos nos sectores cualificados como esenciais no anexo deste real decreto-lei. 
2. As persoas traballadoras que presten servizos nas divisións ou nas liñas de produción cuxa actividade se corresponda cos sectores cualificados como esenciais no anexo deste real decreto-lei. 
3. As persoas traballadoras contratadas por aquelas empresas que solicitasen ou estean aplicando un expediente de regulación temporal de emprego de suspensión e aquelas ás que lles sexa autorizado un expediente de regulación temporal de emprego de suspensión durante a vixencia do permiso previsto este real decreto-lei. 
4. As persoas traballadoras que se encontran de baixa por incapacidade temporal ou cuxo contrato estea suspendido por outras causas legalmente previstas. 
5. As persoas traballadoras que poidan seguir desempeñando a súa actividade con normalidade mediante teletraballo ou calquera das modalidades non presenciais de prestación de servizos.

As persoas traballadoras que se encontren dentro do ámbito de aplicación do e real decreto-lei gozarán dun permiso retribuído recuperable, de carácter obrigatorio, entre o 30 de marzo e o 9 de abril de 2020, ambos os dous incluídos. Conservando o dereito á retribución que lles correspondese se houbesen estando prestando os seus servizos (salario base e complementos).

1.  As horas de traballo poderán recuperarse desde o día seguinte á finalización do estado de alarma ata o 31 de decembro de 2020.
2. Esta recuperación deberá negociarse nun período de consultas aberto para ese fin entre a empresa e a representación legal das persoas traballadoras, que terá unha duración máxima de sete días.
3. De non acadarse acordo durante este período de consultas, a empresa notificará ás persoas traballadoras e á comisión representativa, no prazo de sete días desde a finalización daquel, a decisión sobre a recuperación das horas de traballo non prestadas durante a aplicación do presente permiso. 
4. A recuperación destas horas non poderá supor o incumprimento dos períodos mínimos de descanso diario e semanal previstos na lei e no convenio colectivo, nin o establecemento dun prazo de aviso previo inferior a 5 días (art. 34.2 E.T.), nin a superación da xornada máxima anual prevista no convenio colectivo que sexa de aplicación. Respectaranse os dereitos de conciliación da vida persoal, laboral e familiar recoñecido legal e convencionalmente.

As empresas que deban aplicar o permiso retribuído recuperable regulado poderán establecer o número mínimo de cadro de persoal ou as quendas de traballo estritamente imprescindibles co fin de manter a actividade indispensable. Esta actividade e este mínimo de cadro de persoal ou quendas terá como referencia a mantida nun fin de semana ordinario ou en festivos.

Nos casos en que resulte imposible interromper de xeito inmediato a actividade, as persoas traballadoras incluídas no ámbito subxectivo poderán prestar servizos o luns 30 de marzo de 2020 co único propósito de levar a cabo as tarefas imprescindibles para poder facer efectivo o permiso retribuído recuperable sen prexudicar de maneira irremediable ou desproporcionada a continuación da actividade empresarial.

Os xuíces, fiscais, letrados da Administración de Xustiza e demais persoal ao servizo da mesma seguirán atendendo as actuacións procesuais non suspendidas polo Real decreto 463/2020.

1. As que realicen as actividades que deban continuar desenvolvendose ao abeiro do Real decreto 463/2020, e da normativa aprobada pola Autoridade Competente e as Autoridades Competentes delegadas. 
2. As que traballan na cadea de abastecemento do mercado e no funcionamento dos servizos dos centros de produción de bens e servizos de primeira necesidade, incluíndo alimentos, bebidas, alimentación animal, produtos hixiénicos, medicamentos, produtos sanitarios ou calquera produto necesario para a protección da saúde, permitindo a distribución dos mesmos desde a orixe ata o destino final. 
3. As que prestan servizos nas actividades de hostalaría e restauración que prestan servizos de entrega a domicilio. 
4. As que prestan servizos na cadea de produción e distribución de bens, servizos, tecnoloxía sanitaria, material médico, equipos de protección, equipamento sanitario e hospitalario e calquera outros materiais necesarios para a prestación de servizos sanitarios. 
5. Aquelas imprescindibles para o mantemento das actividades produtivas da industria manufactureira que ofrecen as subministracións, equipos e materiais necesarios para o correcto desenvolvemento das actividades esenciais. 
6. As que realizan os servizos de transporte, tanto de persoas coma de mercadorías, que se continúen desenvolvendo desde a declaración do estado de alarma, así como daquelas que deban asegurar o mantemento dos medios empregados para iso. 
7. As que prestan servizos en Institucións Penitenciarias, de protección civil, salvamento marítimo, salvamento e prevención e extinción de incendios, seguridade das minas, e de tráfico e seguridade viaria. Así mesmo, as que traballan nas empresas de seguridade privada que prestan servizos de transporte de seguridade, de resposta ante alarmas, de rolda ou vixilancia descontinua, e aqueles que resulte preciso utilizar para o desempeño de servizos de seguridade en garantía dos servizos esenciais e o abastecemento á poboación. 
8. As indispensables que apoian o mantemento do material e equipos das forzas armadas. 
9. As dos centros, servizos e establecementos sanitarios, así como ás persoas que atendan maiores, menores, persoas dependentes ou persoas con discapacidade, e as persoas que traballen en empresas, centros de I+D+I e biotecnolóxicos vinculados ao COVID-19, os animalarios a eles asociados, o mantemento dos servizos mínimos das instalacións a eles asociados e as empresas subministradoras de produtos necesarios para a devandita investigación, e as persoas que traballan en servizos funerarios e outros actividades conexas. 
10. As dos centros, servizos e establecementos de atención sanitaria a animais. 
11. As que prestan servizos en puntos de venda de prensa e en medios de comunicación ou axencias de noticias de titularidade pública e privada, así como na súa impresión ou distribución. 
12. As de empresas de servizos financeiros, incluídos os bancarios, de seguros e de investimento, para a prestación dos servizos que sexan indispensables, e as actividades propias das infraestruturas de pagamentos e dos mercados financeiros. 
13. As de empresas de telecomunicacións e audiovisuais e de servizos informáticos esenciais, así como aquelas redes e instalacións que os soportan e os sectores ou subsectores necesarios para o seu correcto funcionamento, especialmente aqueles que resulten imprescindibles para a axeitada prestación dos servizos públicos, así como o funcionamento do traballo non presencial dos empregados públicos. 
14. As que prestan servizos relacionados coa protección e atención de vítimas de violencia de xénero. 
15. As que traballan como avogados, procuradores, graduados sociais, tradutores, intérpretes e psicólogos e que asistan ás actuacións procesuais non suspendidas polo Real decreto 463/2020, e desta maneira, cumpran cos servizos esenciais fixados consensuadamente polo Ministerio de Xustiza, Consello Xeral do Poder Xudicial, a Fiscalía Xeral do Estado e as Comunidades Autónomas con competencias na materia (Resolución do secretario de Estado de Xustiza de data 14 de marzo de 2020). 
16. As que prestan servizos en despachos e asesorías legais, xestorías administrativas e de graduados sociais, e servizos alleos e propios de prevención de riscos laborais, en cuestións urxentes. 
17. As que prestan servizos nas notarías e rexistros para o cumprimento dos servizos esenciais fixados pola Dirección Xeral de Seguridade Xurídica e Fe Pública. 
18. As que presten servizos de limpeza, mantemento, reparación de avarías urxentes e vixilancia, así como que presten servizos en materia de recollida, xestión e tratamento de residuos perigosos, así como de residuos sólidos urbanos, perigosos e non perigosos, recollida e tratamento de augas residuais, actividades de descontaminación e outros servizos de xestión de residuos e transporte e retirada de subprodutos ou en calquera das entidades pertencentes ao Sector Público (art. 3 da Lei 9/2017, do 8 de novembro, de Contratos do Sector Público) 
19. As que traballen nos Centros de Acollida a Refuxiados e nos Centros de Estancia Temporal de Inmigrantes e ás entidades públicas de xestión privada subvencionadas pola Secretaría de Estado de Migracións e que operan no marco da Protección Internacional e da Atención Humanitaria. 
20. As que traballan en actividades de abastecemento, depuración, condución, potabilización e saneamento de auga. 
21. As que sexan indispensables para a provisión de servizos meteorolóxicos de predición e observación e os procesos asociados de mantemento, vixilancia e control de procesos operativos. 
22. As do operador designado polo Estado para prestar o servizo postal universal, co fin de prestar os servizos de recollida, admisión, transporte, clasificación, distribución e entrega aos exclusivos efectos de garantir o devandito servizo postal universal. 
23. As que prestan servizos naqueles sectores ou subsectores que participan na importación e subministración de material sanitario, como as empresas de loxística, transporte, almacenaxe, tránsito aduaneiro (transitarios) e, en xeral, todas aquelas que participan nos corredores sanitarios.
24. As que traballan na distribución e entrega de produtos adquiridos no comercio por Internet, telefónico ou correspondencia.
25. Calquera outras que presten servizos que fosen considerados esenciais.

Entrada en Vigor: 29 de marzo de 2020

A Orde ten por obxecto especificar actividades excluídas do ámbito de aplicación do Real decreto-lei 10/2020, así como facilitar un modelo de declaración responsable en que se indique que a persoa traballadora portadora do mesmo pode continuar realizando desprazamentos ao seu lugar de traballo ou de desenvolvemento da súa actividade de representación sindical ou empresarial. 

1. Traballadores por conta propia: o Real decreto 463/2020, só afecto aos autónomos que prestan os seus servizos en actividades suspendidas pola declaración do estado de alarma. O Real decreto-lei 10/2020, non lles é de aplicación.
2. Actividades de representación sindical e patronal: non están afectadas polas restricións de mobilidade contidas no Real decreto 463/2020 e no Real decreto-lei 10/2020, co fin garantir a asistencia e asesoramento a persoas traballadoras e empregadoras.
3. Declaración responsable: as persoas traballadoras por conta allea que non deban acollerse ao permiso retribuído recuperable establecido no Real decreto-lei 10/2020 e aqueloutras dedicadas á actividade de representación sindical ou empresarial terán dereito a que a empresa ou entidade empregadora expídalles unha declaración responsable recoñecendo tal circunstancia, de acordo co modelo recollido no Anexo desta Orde. 

Vigor: 30 de marzo de 2020 resultará de aplicación durante a vixencia do permiso retribuído recuperable regulado no Real decreto-lei 10/2020.