Comprometémonos
Máis de 8.000 asesores confían en nós. Comprometémonos co teu negocio, personalizamos a nosa resposta e garantímosche un servizo de calidade tanto ás túas empresas como a autónomos.
Sabemos que o despacho profesional compite nun mercado altamente competitivo, que se está transformando rapidamente debido ás novas tecnoloxías, á irrupción de novos formatos e á entrada doutros colectivos profesionais.
Servizos de calidade, interlocución personalizada, respostas rápidas e apoio eficaz son a nosa aposta en cada un dos despachos cos que colaboramos. Implicámonos en cada empresa ou autónomo da carteira, porque son o teu maior activo e colaboramos activamente para mellorar a túa competitividade, reducir trámites e simplificar procesos.
A asistencia médica aos teus clientes é o que máis che importa. E a nós, tamén
Cando un traballador dun dos teus clientes ten un accidente, toda a nosa organización ponse en marcha: os nosos médicos acompáñano durante todo o proceso asistencial, coordinamos os tratamentos para que sexan máis eficaces, concertamos visitas co mellor especialista coa nosa plataforma de telemedicina e axilizamos as probas médicas para evitar listaxes de espera e desprazamentos innecesarios. E, por suposto, a través da nosa zona privada dámosche toda a información para que saibas en todo momento que facemos.
Os teus clientes e o teu negocio son o noso compromiso
Os teus clientes son o máis importante para ti, e por isto construír unha relación de confianza a longo prazo é esencial. Cando che asignamos un interlocutor, pensamos niso. En comportarnos como un socio que se implica, que coñece o teu día a día, os teus retos, os teus problemas, as túas aspiracións e obxectivos. O noso interlocutor é un experto que che axudará a mellorar, a dar resposta ás necesidades dos teus clientes e que che resolverá calquera incidencia.
Axudámoste para que achegas máis valor aos teus clientes
Queremos que os teus clientes estean satisfeitos. E sabemos como facelo. O servizo nun despacho é complexo, con multitude de trámites, consultas e requirimentos aos que dar resposta decontado. Para darche resposta, deseñamos ferramentas en liña que che van simplificar os trámites e eliminarán papelorios, cadros de mando que che ofrecerán unha visión integral en tempo real da túa carteira e de cada cliente. E todo multidispositivo: tableta, PC, MAC ou smartphone. desde calquera dispositivo. E para que saibas que ocorre en cada unha das túas empresas e autónomos disporás de alertas personalizables.