Vive a emerxencia. Controla a resposta.

Taller práctico

Obxectivo

Adquirir conciencia sobre a importancia do factor humano na xestión dunha emerxencia e como a existencia de medidas de actuación previamente establecidas e adestradas marcan a diferenza no control da situación e na minimización das súas consecuencias.

Contido

A xornada desenvolverase de forma experiencial e interactiva, combinando unha introdución teórica con simulacións inmersivas de incendios mediante realidade virtual, que permitirán aos asistentes experimentar de primeira man como a preparación e o adestramento inflúen na resposta a unha emerxencia real.
-O factor humano nas emerxencias.
-Incendios: principios básicos da extinción.
-Simulación inmersiva en primeira persoa: extinción de incendios mediante realidade virtual. Os participantes enfrontaranse a escenarios realistas de incendio, en que deberán tomar decisións e actuar en tempo real.
-Fagamos balance, como actuamos?

Formulario de inscrición

Prazas limitadas. Inscricións por rigorosa orde de solicitude.

Nesta actividade non se emiten certificados nin xustificantes de asistencia.