Artigo 5 (RDL 2/2021)

Finalizou o prazo para solicitar esta prestación.

A partir do 1 de febreiro de 2021, os traballadores autónomos que se vexan obrigados a suspender todas as súas actividades como consecuencia dunha resolución adoptada pola autoridade competente como medida de contención na propagación do virus COVID-19, terán dereito a unha prestación económica de cesamento de actividade de natureza extraordinaria: 

a. Estar afiliados e en alta no Réxime Especial da Seguridade Social dos Traballadores por Conta Propia ou Autónoma ou, se é o caso, no Réxime Especial da Seguridade Social dos Traballadores do Mar, antes do 1 de xaneiro de 2021. 

b. Acharse ao corrente no pagamento das cotas á Seguridade Social. Non obstante, se na data da suspensión da actividade non se cumprise este requisito, o órgano xestor convidará ao pagamento ao traballador autónomo para que no prazo improrrogable de trinta días naturais ingrese as cotas debidas. A regularización do descuberto producirá plenos efectos para a adquisición do dereito á protección. 

Contía da prestación : 50 por cento da base mínima de cotización que corresponda pola actividade desenvolvida.

Esta cantidade incrementarase nun 20 por cento se o traballador autónomo ten recoñecida a condición de membro dunha familia numerosa e os únicos ingresos da unidade familiar ou análoga durante ese período proceden da súa actividade suspendida.

Nacimiento do dereito á prestación : Desde o día seguinte á adopción da medida de peche de actividade adoptada pola autoridade competente. 

Durante o tempo que permaneza a actividade suspendida manterase a alta no réxime especial correspondente quedando o traballador autónomo exonerado da obriga de cotizar. A exoneración do ingreso das cotas estenderase desde o primeiro día do mes en que se adopta a medida de peche de actividade ata o último día do mes seguinte ao que se erga a devandita medida ou ata o 31 de maio de 2021, se esta última data é anterior 

Duración: A percepción da prestación terá unha duración máxima de catro meses, finalizando o dereito á mesma o último día do mes en que se acorde o levantamento das medidas ou o 31 de maio de 2021 se esta última data é anterior.

RDL 3/2021, de 2 de febreiro, novidades e modificacións importantes na regulación das prestacións de cesamento de actividade

Introdúcese modificación con respecto á exención da obriga de cotizar. Agora esta obriga na PECANE de suspensión vincúlase a cando se realice a solicitude e non a cando a prohibición da actividade sexa determinada por parte da resolución administrativa da autoridade competente. Anéxase cadro comparativo.