Artigo 1 RDL 2/2022
Real decreto-lei 2/2022, do 22 de febreiro, de medidas urxentes para a protección dos traballadores autónomos.
Artigo 1. Exención da obriga de cotizar a favor dos traballadores autónomos que percibisen algunha modalidade de prestación por cesamento de actividade ao abeiro do que se dispón no Real decreto-lei 18/2021, do 28 de setembro, de medidas urxentes para a protección do emprego, a recuperación económica e a mellora do mercado de traballo.
Requisitos:
- Manter a alta no Sistema RETA ata o 30.06.2022.
- Estar percibindo as prestacións PECANE 2.4 ou POECATA 5 ata o día 28.02.2022.
- Desde o mes seguinte a esgotar a prestación de cesamento de actividade regulada no artigo 2 deste RD-lei ata o 30.06.2022.
Contía das exoneracións (a base de cotización que se tomará será a que viña cotizando o traballador antes de acceder ás prestacións extraordinarias de cesamento de actividade):
- 90 % das cotizacións correspondentes ao mes de marzo de 2022.
- 75 % das cotizacións correspondentes ao mes de abril de 2022.
- 50 % das cotizacións correspondentes ao mes de maio de 2022.
- 25 % das cotizacións correspondentes ao mes de xuño de 2022.
Como en anteriores exencións, o traballador autónomo non ten que presentar ningunha solicitude á súa Mutua ou a TXSS. As Mutuas fomos rexistrando a concesión e período de devindicación das prestacións extraordinarias en GISS e se non existen erros, a TXSS aplicarao directamente nos recibos correspondentes.
Artigo 2. Prestación extraordinaria por cesamento de actividade para os traballadores autónomos afectados por unha suspensión temporal de toda a actividade como consecuencia dunha resolución da autoridade competente como medida de contención da propagación da Covid-19.
Requisitos:
- Estar afiliado no Sistema RETA / RETA-mar polo menos 30 días antes da data de resolución que acorde a suspensión da actividade ou con anterioridade á data de suspensión se esta é anterior a 01.03.2022.
- Acharse ao corrente de pagamento das cotas coa Seguridade Social (se non cumpre este requisito se lle convidará a pórse ao corrente no prazo de 30 días).
- Debe manterse de alta no Sistema RETA mentres se manteña a suspensión da actividade.
Contía, cotizacións e duración da prestación:
- A contía será o 70% da base mínima de cotización que corresponda pola actividade desenvolvida.
- Se na unidade familiar que convive no mesmo domicilio hai 2 ou máis membros que teñan dereito á prestación, a contía será do 40 %.
- Mentres dure a suspensión o traballador estará exento de cotizar, estendendose a devandita exoneración desde o primeiro día do mes en que se adopte a suspensión de actividade ata o último día do mes seguinte a que se erga a medida ou ata o 30.06.2022 se o levantamento é posterior á devandita data.
- A percepción desta nova prestación terá unha duración máxima de catro meses, finalizando o dereito á mesma o último día do mes en que se acorde o levantamento das medidas ou o 30 de xuño de 2022, se esta última data fose anterior.
- O dereito á prestación nacerá desde o día en que sexa efectiva a medida de peche de actividade adoptada pola autoridade competente, ou desde o 1 de marzo de 2022 cando se manteña a suspensión de actividade iniciada con anterioridade a esta data.
- O tempo de percepción da prestación non reducirá os períodos de prestación por cesamento de actividade aos que o beneficiario poida ter dereito no futuro.
Incompatibilidades:
- Coa percepción dunha retribución polo traballo por conta allea (non sendo que estes ingresos sexan inferiores a 1,25 x SMI (1.458,33 € ao mes).
- Co desempeño doutra actividade por conta propia.
- Coa percepción de rendementos procedentes da sociedade cuxa actividade se vise afectada polo peche.
- Coa percepción dunha prestación da Seguridade Social agás aquela que o beneficiario viñese percibindo por ser compatible co desempeño da actividade que desenvolvía.
- Coas axudas por paralización da frota.
Prazo de presentación:
- O recoñecemento da prestación regulada neste artigo deberá solicitarse dentro dos primeiros vinte e un días naturais seguintes á entrada en vigor da resolución de peche de actividade, ou antes do 21 de marzo cando a suspensión de actividade se acordase con anterioridade ao 1 de marzo e non se estivese percibindo a prestación extraordinaria contemplada no artigo 9 do Real decreto-lei 18/2021, do 28 de setembro.
- No caso de que a solicitude se presente fóra do prazo establecido, o dereito á prestación iniciarase o primeiro día do mes seguinte ao da solicitude. Nestes casos, o traballador autónomo quedará exento da obriga de cotizar desde o día que teña dereito a percibir a prestación.
Solicitude da prestación:
- Cobre o Formulario de Solicitude
- Remiteo á caixa de correo do teu centro de Mutua Universal máis próximo