Actúas ou simplemente arquivas documentos?

Aínda que o obxectivo da CAE é claro e concreto, a miúdo convértese nun mero intercambio de documentación entre as partes, sen contribución práctica e efectiva ao obxectivo que se perseguía inicialmente e, polo tanto, nun proceso estéril e improdutivo que só serve para cubrir o expediente fronte ao requisito legal. As causas máis habituais que contribúen a iso son:

• Procedementos de CAE moi defensivos, orientados exclusivamente a acreditar o cumprimento legal, nos que predomina:
  • Acumulación de evidencias documentais, incluíndo aquelas que non gardan ningunha relación coa seguridade e a saúde na situación de concorrencia.
  • Ausencia de análise da información recibida, de maneira que do seu contido non se deriva ningunha medida concreta que contribúa ao control das situacións de risco.
• Percepción illada da CAE, como algo completamente desconectado e desvinculado dos traballos que a motivan. Habitualmente concíbese a CAE como unha xestión puntual, que debe realizarse antes do inicio dos traballos, e non como un proceso continuo e simultáneo durante o desenvolvemento destes. Isto, na maior parte dos casos, ten as seguintes implicacións:
  • Non existen medios de coordinación ou, cando existen, non son axeitados á natureza e circunstancias dos traballos.
  • Non se realiza ningún tipo de seguimento nin control sobre o desenvolvemento dos traballos, algo que contrasta co empeño aplicado no aprovisionamento de documentación.