Artikulu berria
8. artikulua. Salbuespena kotizazioan jarduera uzteagatiko prestazioren bat jaso duten langile autonomoentzat, maiatzaren 27ko 11/2021 Errege Lege-dekretuan xedatutakoa dela-eta, enplegua defendatzeko, ekonomia suspertzeko eta langile autonomoak babesteko premiazko neurrietakoa.
2021eko urriaren 1etik aurrera, Gizarte Segurantzako Norberaren Konturako Langileen edo Langile Autonomoen Araubide Berezian edo Itsasoko Langileen Gizarte Segurantzako Araubide Berezian dauden langile autonomoek, araubide horietan alta emanda badaude eta irailaren 30ean maiatzaren 27ko 11/2021 Errege Lege Dekretuaren 7. eta 8. artikuluetan aurreikusitako jarduera uzteagatiko prestazioren bat jasotzen badute, Gizarte Segurantzako eta lanbide-heziketako kotizazioetatik salbuesteko eskubidea izango dute, honako zenbateko hauetan:
- Urriko hilabeteko kotizazioen %90a.
- Azaroko hilabeteko kotizazioen %75a.
- Abenduko hilabeteko kotizazioen %50a.
- 2022ko urtarrileko kotizazioen %25a.
Langile autonomoen kotizazioan onura horiek aplikatu ahal izateko, 2022ko urtarrilaren 31ra arte altan egon beharko dira Gizarte Segurantzaren dagokion erregimen berezian.
Salbuespenaren zehaztapena egiteko asmoz, kotizazio-oinarria izango da jarduera uzteagatiko prestazioa atzitu aurretik langile autonomoa kotizatzen ari zen kotizazio-oinarria.
Jardunari uzteagatiko prestazioa jasotzea bere modalitate guztietan ez da bateragarria izango agindu honetan ezarritako salbuespenarekin.
Maiatzaren 27ko 11/2021 Errege Lege-dekretuaren 7. eta 8. artikuluetan aurreikusitako jarduera uzteagatiko prestazioak lortzeko eskubidea galtzearen ondorioz agindu honetan jasotako salbuespenak modu okerrean lortzeak erakunde edo organismo eskudunaren ofiziozko berrikustea dakar.
Agindu honetan xedatutakoa errege lege-dekretu honen 9. artikuluak erreferentzia egiten dien prestazioak agortzen dituzten langile autonomoei aplikatuko zaie, aipatutako artikuluko 4. atalean aipatzen diren salbuespenak amaitzen direnetik hasi eta 2022ko urtarrilaren 31ra arte.