Revisión da prestación para os traballadores autónomos de tempada (PETECATA1).
Establecidas no artigo 10 do Real decreto-lei 24/2020, do 26 de xuño, de medidas sociais de reactivación do emprego e protección do traballo autónomo e de competitividade do sector industrial.
Os aspectos que hai que revisar da prestación son:
- Que non se obtivesen durante o ano 2020 uns ingresos que superen os 23.275 euros (en todos os casos).
- Diferenzas na aplicación dos topes IPREM na base reguladora.
- Determinación da base reguladora para o colectivo de venda ambulante.
- Que se realizase actividade por conta propia fóra do período marzo-outubro dos anos 2018 e 2019.
Todas as comunicacións que se fagan remitiranse ao correo electrónico que se indicou no seu momento no propio formulario de solicitude da prestación , xa sexa por correo electrónico (resolucións favorables) ou a través de notificación electrónica (trámites de audiencia e posteriores resolucións de emenda de diferenzas ou denegación da prestación).
As anteditas prestacións percibíronse entre o 1 de xullo de 2020 e o 30 de setembro de 2020. Se se solicitaba durante os 15 primeiros días de xullo, senón, a prestación iniciábase o día seguinte á solicitude.
No suposto de que a persoa autónoma reciba notificación de emenda da documentación, deberá entrar na ligazón que se anexa na carta e proceder a enviar a documentación pertinente para solucionar.
Na notificación que se recibiu, na parte superior do documento está o ID de emenda, co que se poderá acceder ao trámite web, xunto co número de documento de identidade.
No mesmo documento, detállase o motivo polo cal a súa prestación foi revisada e se detectou unha serie de incidencias que poderían afectar ao cumprimento dos requisitos legalmente establecidos ou aos importes aboados. A notificación recibida informa da apertura do trámite de audiencia, para o cal se dispón dun prazo de 15 días hábiles para presentar a documentación indicada en cada apartado e poder formular as alegacións e xustificacións que se consideren oportunas (lémbrase que non se teñen en conta os sábados, domingos e festivos para o cómputo de días).
No caso de que se queira renunciar a este trámite de audiencia, ou se no prazo de 15 días hábiles non se presentou a documentación ou se formularon alegacións, emitirase a resolución definitiva, ditando acordo denegatorio ou de concesión definitiva, pero con importes indebidos da prestación, reclamando os importes que percibiron no seu momento.